踏入虎年第五日真係一個好開始, 由12月開始直至現在2 月, 過埋新年...真係估唔到搵工既過程已經差唔多去到尾聲了...我咁講係因為17/2 (年初五) 見左份工..見完轉頭返到屋企..已經打俾我約時間做second interview..聽完果一刻真係好開心..興奮到大笑出黎...呢種興奮係自從6 年前同ex gf 開始拍拖同埋3年前申請報讀ive 既心情一樣...爆開心...果份滿足感..令成個人好放鬆...但係我轉頭就收起左放鬆心情..因為仲要過埋second interview ..俾埋offer ..正式叫我返工..先可以放鬆...或者我變得對工作越黎越執著..因為真係好希望令自己有番自信心...表現番重新改變既自己做出黎有咩成績..真係好期待...而且又有一堆之前set 好又延遲既計劃要待有穩定既工作之後進行...但係我又唔會好強迫自己一定要做到..因為太extreme 既思想..係會有反效果...最緊要係做返自己..用多些客觀既眼光去睇事物同人... 令自己既人生過得開心又精彩就夠了...作為一個基督徒有個好處係就算遇到幾大既困難...樂觀積極既態度同信念係唔會變...盼望呢一年..我可以有所成績喇

近排既生活變得唔正常了...因為啱啱開始在一間廣告公司做web programmer...原以為初初返工可以輕鬆下...但係誰知第一天返工已經開ot 了...自此就開始認真辛苦既工作..這個week..係最辛苦..因為個project 最後deadline..下個week 要做test...所以要趕工...晚晚都放10點..中間夜晚都冇時間去食飯...仲要灣仔返工...返到屋企都成12點...真係好耐冇試過..非人生活..不過辛苦都係值得..因為呢份工既野係我一路想做既..又學到野...捱下..遲d 可以吸引多d 經驗...將來可以做得好d..其實發覺自己已經改變左好多..開始諗之後幾個月..呢一年..甚至將來點打算..好後悔以前自己既唔成熟..傷害左自己..傷害左好多身邊既人..唔惜珍惜..每次諗起..眼淚不禁下來..如果可以既話..真係好想時光倒流..回到3-4年前..用依家既思想同態度去應付每一件事..我諗身邊既人一定好開心..好幸福..能夠令最愛既人得到幸福係男人最大既成就..但係回到現實..依家既生活令我同屋企人既相聚時間極少...同朋友相聚時間極少..連返教會既時間已越來越少..好多時都係自己一個人..每一天收到既電話都可能得一個或者冇...漸漸變得得返自己孤獨既承擔工作壓力..雖然0係人面前要裝硬淨..但暗地裡自己會哭成淚人..以前有女朋友0係身邊時..會多個人分擔同支持..依家好內疚...慨嘆呢大半年既經歷對我影響好大...但係我好感謝神俾我有經歷..我先可以有咁大改變...

踏入7 月..繼續奮鬥中..今個week..星期四同星期五都好重要..因為係interview 同考車牌..真係好緊張..希望有offer 同考到喇..不過我唔會太過擔心..因為我對神有信心..一切都交託俾神...我已經作好晒心理準備去迎接今個月既來臨..今日學車時突然間狂打噴嚏..心知不妙..嚴重鼻敏感...雖然食左藥...但係仍然未好..希望聽朝起身..會好返..唔係就會影響我既interview 架喇..呢一刻對之後幾日將會既發生既事好有憧憬..唔知點解有種好期待既感覺...可能係因為真係好想知會點發生..神會點介入...好了..要休息了..過幾天再續..